الشعر معنى قبل مايكون وزن وقافيه

السلام عليكم ورحمة الله وبركاته

ابيات حادثتها جرت في مكان اخر ولم يكن

هناك انصاف وكانت العنصريه تحكم وتتسيّد الموقف

اتمنى ان تحوز هذه الابيات على رضاكم تقبلوها كما هي

والنقد مفتوح للجميع ..

هيّض علي مبداي في تالي الليل
يقدح بي الهوجاس والطرف سهران
من منطلق فكر الشعر بالتفاصيل
ياللي تقول الشعر قافٍ وميزان
المعنى بنتٍ والوزن عقد تجميل
الشعر معنى قبل مَ يكون قيفان
والنقد يبنى فالمعاني بتأصيل
وقع التجارب والشهاده ببرهان
يامكثر اللي بالوزن يعرف ايكيل
مير البيوت اللي بها ماهي اسمان
يبني نظم والا رومنسي حلاحيل
مافيها داخل بالضمن أي تبيان
ماتجذب القُراء ويملّها امقيل
سحابةً وجوفها مابه امزان
واللي نقد لابد يأتي بتدليل
من لامعه برهان دعواه بطلان
قد اشغلونا واللي يحتج تضليل
واهريجة النبوت مَ تهز ضلعان
ماعاد فينا نحتمل زود اقاويل
ضاع الشعر مدام خشوبه ....
لو كان ابن عمه مواجيب تكميل
الواو يدخل في مجالس ومضمان
حرام لو اتفتشه به تهاويل
بيتٍ بنجد وثاني بيتٍ بعسفان
لامعنى به ولا وزن غير تقفيل
واحيان قفل القافيه هش هزلان
الشرع واضح مالبس لبس تمثيل
احكم عدل والعدل ساسه بقرأن
اما كذا ولا كذا دون تبديل
ماتجتمع فالمرء نخوه وخوّان
اليا زعل خلوه يشرب من النيل
فحوى الرساله لافضى صدت اذان
ما كل من ورّد بضاعه تساهيل
ينزل بسوق البورِصه فك دكان
من دون قاصر في حقوق الرياجيل
اللي لهم في ساحة العرف ديوان



وسلااااامتكم